Naxçıvan Müəllimlər İnstitutunun Humanitar və ictimai fənlər kafedrasının müdiri,tarix üzrə fəlsəfə doktoru Aytəkin Qəhrəmanovanın iki elmi məqaləsi beynəlxalq elmi jurnallarda nəşr olunub.
Onun “XVI–XVIII əsrin əvvəllərində Naxçıvan və Dərəşahbuz nahiyələrinin inzibati ərazi bölgüsü” adlı məqaləsi Türkiyədə nəşr olunan BUTA International Journal of Scientific Research jurnalının 2026-cı il 23-cü cild, 1-ci sayında, “Educational Institutions in Nakhchivan from Antiquity to the Medieval Period” (Nahçıvan’da Antik Çağdan Orta Çağa Eğitim Kurumları) adlı elmi məqaləsi isə Akademik Tarih ve Düşünce Dergisi jurnalında dərc olunub. Məqalədə Naxçıvanda təhsil müəssisələrinin qədim dövrdən orta əsrlərə qədər keçdiyi inkişaf yolu tarixi mənbələr əsasında araşdırılıb. (DergiPark)
Məqalələrin beynəlxalq elmi jurnallarda nəşri Naxçıvan Müəllimlər İnstitutunda aparılan elmi-tədqiqat işlərinin beynəlxalq elmi mühitdə tanınmasına və institutun elmi nüfuzunun daha da möhkəmlənməsinə töhfə verir.
