Naxçıvan Müəllimlər İnstitutunda “Ümumtəhsil məktəblərində riyaziyyat dərslərində fəal təlim metodları və üsullarının reallaşdırılması yolları” mövzusunda seminar keçirilmişdir

Naxçıvan Müəllimlər İnstitutunda Naxçıvan Muxtar Respublika Təhsil Nazirliyinin əməkdaşları və ümumtəhsil məktəblərinin bir qrup riyaziyyat müəllimlərinin iştirakı ilə “Ümumtəhsil məktəblərində riyaziyyat dərslərində fəal təlim metodları və üsullarının reallaşdırılması yolları” mövzusunda növbəti seminar keçirilmişdir.

Seminarı giriş sözü ilə İnstitutun Riyaziyyat və tədrisi metodikası kafedrasının müdiri, professor Yaqub Məmmədov açaraq, seminarın məqsədini açıqlayıb qeyd etmişdir ki, müasir təhsil kurikulumlarının istiqamətlərindən biri tədris prosesində fəal təlim metodlarının tətbiqidir. Riyaziyyat dərslərində fəal təlim metodlarının tətbiqi imkanlarına toxunan Yaqub Məmmədov bu metod və üsulların riyaziyyat dərslərində tətbiqinin çox vacib olmasından, tədrisin keyfiyyətinin artırılmasında bu üsulların müsbət təsirindən danışdı.

Sonra İnstitutun baş müəllimi Tamara Baxşəliyeva “Müasir dərslərdə fəal təlim metodlarından istifadə yolları” mövzusunda geniş məruzə ilə çıxış etdi. Naxçıvan şəhər 12 saylı tam orta məktəbin müəllimi Gülxarə Tarverdiyeva və Naxçıvan Müəllimlər İnstitutunun Ali riyaziyyat və informatika kafedrasının müəllimi Səriyyə Qasımova yeni təlim metodlarının tətbiqi ilə bir nümunəvi dərs nümayiş etdilər.

Sonra seminar öz işini disskusiya şəklində yekunlaşdırdı.