0-17 Noyabr – Beynəlxalq Tələbə Gənclər Həftəsi” ilə əlaqədar olaraq Naxçıvan Müəllimlər İnstitutu tələbələrinin Xatirə Muzeyinə ekskursiyası təşkil olunub

NMİ Tələbə Gənclər Təşkilatının təşəbbüsü ilə reallaşan ekskursiya Azərbaycanın müstəqilliyi və suverenliyi uğrunda canından keçmiş şəhidlərin xatirəsinin yad olunması, tarixi gerçəkliklərin gənclər arasında öyrənilməsi, eləcə də gənclərə vətənpərvərlik hisslərinin aşılanmasına xidmət edib.

Ekskursiya çərçivəsində muzey bələdçisi tələbələrə 1990-cı illərdə erməni silahlılarının Naxçıvan Muxtar Respublikasının sərhəd kəndlərinə işğalçı hücumlardan, Naxçıvanın bu illərdə özünü müdafiəsindən, xüsusilə İkinci Qarabağ müharibəsində Naxçıvan Muxtar Respublikasından iştirak etmiş qəhrəmanların şücaətindən danışıb, NMİ ictimaiyyətlə əlaqələr üzrə baş mütəxəssisi Aygül Məmmədova və TGT sədri Altay Cəfərlinin də çıxışları dinlənilib.