Naxçıvan Müəllimlər İnstitutunda “Alqoritmi dünyaya tanıdan alim” adlı tələbələrin elmi-praktik konfransı keçirilmişdir
13 noyabr 2019-cu il tarixində Naxçıvan Müəllimlər İnstitutunda “Təbiət və incəsənət” fakültəsinin “Ali riyaziyyat və informatika” kafedrasının təşkilatçılığı ilə “Alqoritmi dünyaya tanıdan alim” adlı tələbə elmi-praktik konfransı keçirilmişdir.
Tədbiri giriş sözü ilə İnstitutun rektoru Elbrus İsayev açaraq bildirdi ki, riyaziyyatın fundamental sahəsi olan alqoritmlər bölməsinə həsr olunmuş riyaziyyat informatika müəllimliyi ixtisası IV kurs tələbələrinin təşkil etdiyi elmi-praktik konfrans təqdirəlayiqdir. İnstitutumuz tarixində ilk dəfə idi ki, tələbələrin təşkilatçılığı və iştirakı ilə konfrans keçirilmişdir.
Sonra “Ali riyaziyyat və informatika” kafedrasının IV kurs tələbələri Günel İsayeva, Şəkər Vəliyeva, Songül Cavadova, Nursel Allahverdiyeva, Gülən Hüseynli və İlham İsmayılovun görkəmli riyaziyyatçı Əl- Xarəzm ilə bağlı hazırladıqları çıxışlar dinlənildi. Çıxışlarda alqoritmin növləri, xassələri, tətbiq sahələri və başqa fənlərlə inteqrasiyası haqqında məlumat verildi. Sonda isə tələbələrin hazırladığı videoçarxa baxış oldu.
Yekun olaraq rektor Elbrus İsayev çıxış edən tələbələrə öz minnətdarlığını bildirdi və təklif etdi ki, tələbələrin hazırladığı mövzular müəllimlərin rəhbərliyi altında məqalə şəklində işlənib Naxçıvan Müəllimlər İnstitutunun “Elmi əsərlər” jurnalında çap olunsun.
