9 noyabr “Dövlət Bayrağı Günü” Naxçıvan Müəllimlər İnstitutunda qeyd olunmuşdur

Naxçıvan Müəllimlər İnstitutunda “ 9 noyabr- Dövlət Bayrağı Günü”nə həsr olunmuş silsilə tədbirlər keçirilmişdir.
Tədbirlər silsiləsində “ Dövlət Bayrağı Günü”nə həsr olunmuş tələbələrin rəsm və əl işlərindən ibarət sərgisi, oğlan və qız tələbələri arasında fakültələrarası voleybol yarışı, tələbələr arasında bədii qiraət müsabiqəsi və sonda yekun tədbir keçirilmişdir. Yekun tədbiri giriş sözü ilə açan institutun rektoru Elbrus İsayev qürur və fəxarət yerimiz olan üçrəngli bayrağımızın keçdiyi tarixi yol, bayrağımız, vətənimiz uğrunda xalqımızın apardığı mübarizələr, Dövlət Bayrağı Gününün təsis olunması ilə bağlı Azərbaycan Respublikası Prezidentinin imzaladığı tarixi sərəncam haqqında geniş məlumat verdi. O, bayrağımızın daima yüksəkliklərdə dalğalanması üçün müəllim və tələbələrin üzərinə düşən vəzifələrdən danışaraq, tədbir iştirakçılarını və kollektiv adından bütün xalqımızı təbrik etdi. Bayram münasibətilə keçirilən yarış və müsabiqə qalibləri olan tələbələrin fəxri fərman və diplomlar təqdim edildi.
Sonra tələbələrin ifasında ədəbi-bədii kompozisiya və konsert proqramı təqdim olundu.

Naxçıvan Müəllimlər İnstitutunun
Mətbuat və ictimaiyyətlə əlaqələr xidməti