Naxçıvan Müəllimlər İnstitutunda “Sizi deyib gəlmişəm” adlı KARİKATURA sərgisi keçirilmişdir
Naxçıvan Müəllimlər İnstitutunda Prezident İlham Əliyevin Azərbaycan ədəbiyyat tarixində görkəmli yer tutan, xalqın milli oyanışında misilsiz rol oynayan dahi yazıçı, dramaturq, publisist və ictimai xadim “Cəlil Məmmədquluzadənin 150 illik yubileyinin qeyd edilməsi haqqında”, eyni zamanda Naxçıvan Muxtar Respublikası Ali Məclisinin Sədri Vasif Talıbovun “Cəlil Məmmədquluzadənin 150 illik yubileyinin Naxçıvan Muxtar Respublikasında keçirilməsinə dair Tədbirlər Planının təsdiq edilməsi haqqında Sərəncamlarına uyğun olaraq silsilə tədbirlər həyata keçirilir.
12 aprel 2019-cu il tarixdə Naxçıvan Müəllimlər İnstitutunun Təsviri İncəsənət müəllimliyi ixtisası üzrə tələbələrin və İnstitutun baş müəllimi, əməkdar Rəssam Cavid İsmayılovun karikaturalarından ibarət sərgi keçirilmişdir. Tədbiri Naxçıvan Müəllimlər İnstitutunun rektoru Elbrus İsayev giriş sözü ilə açaraq böyük ədəbin yubileyi ilə əlaqədar tələbələrə ictimai-mədəni tədbirlərin keçirilməsinin əhəmiyyətindən danışdı. Azərbaycanda “Molla Nəsrəddin” jurnalının ildönümünün qeyd olunması haqda maarifləndirici məlumat verdi. Publisistikamızda satirik realizmin əsasını qoyan bu jurnalın Cəlil Məmmədquluzadənin səyi nəticəsində Azərbaycan ictimai fikrində özünəməxsus yer tutumasından danışdı. Sərgidə 21 tələbənin 55 karikatura əsəri nümayiş olunmuşdur.
Sonra İncəsənət kafedrasının baş müəllimi, əməkdar rəssam Cavid İsmayılov karikatura sənətinin tarixi və bu günkü əhəmiyyəti haqqında geniş məlumat verərək bildirdi ki, İnstitutda rəssam tələbələrin son dövrlərdə bu sahəyə marağının artmasının nəticəsidir ki, qısa müddətdə tələbələr bu sərgiyə 60-a yaxın karikatura əsəri təqdim etmişlər. Təsviri İncəsənət müəllimliyi ixtisasının I kurs tələbələri Günay Kərimova və Gülnarə Kərimova cıxış etdilər.
Tədbir sərgiyə baxışla davam etdi. Sərgidə Cəlil Məmmədquluzadənin həyatından və yaradıcılıq fəaliyyətindən bəhs edən, Molla Nəsrəddin Jurnalının ildönümünə həsr olunmuş karikaturalar, qəzet materiallarını əsk etirən rəsmlər boyük maraga səbəb olmuşdur.
Sonra Naxçıvan Müəllimlər İnstitutunun rektorulugu, tələbə və müəllimlərin bir hissəsi Naxçıvan şəhərində yerləşən Cəlil Məmmədquluzadənin ev muzeyində oldular. Naxçıvan Müəllimlər İnstitutunun İncəsənət kafedrasının baş müəllimi, Naxçıvan Muxtar Respublikasının Əməkdar Rəssamı Cavid İsmayılovun sərgidə nümayiş olunan “Sizi deyib gəlmişəm” adlı kətan üzərində yağlı boya ilə 100×80 ölçüsündə çəkdiyi rəsm əsəri İnstitut adından Muzeyə hədiyyə olunmuşdur.
Qeyd edək ki, Cəlil Məmmədquluzadənin 150 illik yubileyi ilə əlaqədar Naxçıvan Müəllimlər İnstitutunda il ərzində silsilə tədbirlərin keçirilməsi də nəzərdə tutulmuşdur.