Naxçıvan Müəllimlər İnstitutu Xarici Əlaqələr Şöbəsi 2019-cu ildən etibarən fəaliyyət göstərir. Şöbənin məqsədi digər ölkələrin təhsil müəssisələri ilə əməkdaşlıq edərək tədris və təlim sahəsində ən son yeniliklərdən xəbərdar olmaq və xarici tələbə cəlbini təşviq edərək əcnəbiləri institutumuza dəvət etməkdir. Bundan əlavə beynəlxalq və yerli təşkilatlara üzv olaraq təhsil müəssisəmizi beynəlxalq arenada tanıtmaq məqsədlər sırasına daxildir.
Naxçıvan Müəllimlər İnstitutu Mevlana mübadilə proqramı çərçivəsində Türkiyənin 8 universiteti ilə əməkdaşlıq müqaviləsi imzalamışdır.
Bunlara misal olaraq Atatürk, Anadolu, Kocaeli, Sakarya və digər universitetləri göstərmək olar.
Digər tərəfdən Erasmus+ mübadilə proqramına qoşulmaq institut üçün böyük əhəmiyyət daşıyır. Bunun vasitəsilə institut müxtəlif layihələr üzrə əməkdaş universitet kimi çıxış etmişdir.
Həmçinin qeyd etmək lazımdır ki, Naxçıvan Müəllimlər İnstitutu ECAR, EURAS kimi təşkilatların üzvü kimi təhsil sahəsində öz töhvəsini vermişdir.
2023-cü ilədək 50-yə yaxın xarici tələbənin sənədləri qəbul edilmişdir. Hal-hazırda isə xarici tələbələr üçün Azərbaycan dili danışıq kursu təşkil edilmiş və tədrisə başlanılmışdır.