Naxçıvan Müəllimlər İnstitutunun şəhid məzunlarının xatirəsi anılıb
Tələbə Gənclər Təşkilatının təşkilatçılığı və fakültə rəhbərlərinin iştirakı ilə keçirilən anım tədbiri ilk öncə institutun şəhidlər üçün ayrılmış guşəsində bütün şəhidlərin, o cümlədən Naxçıvan Müəllimlər İnstitutunun fəxri məzunları olan Ruhid İslamlı və Kamran Hüseynovun əziz xatirələrinin yad edilməsi məqsədilə təşkil olunmuş sərgiyə baxışla başlayıb, şəhidlərimizin əziz xatirəsi bir dəqiqəlik sükutla yad edilib, sonra isə çıxışlarla davam edib.
Tədbirdə çıxış edənlər bildiriblər ki, Azərbaycan xalqı hər zaman qəhrəman övladlarının xidmətlərini yüksək qiymətləndirir, bütün şəhidlərimizin ruhuna hörmət və ehtiram göstərir, əziz xatirəsini uca tutur. Naxçıvan Müəllimlər İnstitutunun hər iki məzununun tələbəlik illərindəki fəaliyyətlərindəndanışıblar. Vurğulanıb ki, “Haqq savaşımızda şəhidlik zirvəsinə ucalan bütün igid Vətən övladlarının xatirəsi daim qəlbimizdə yaşayacaq, onları unutmayacaq və unutdurmayacağıq!”
Sonra institutun tələbələrinin iştirakı ilə hazırlanan canlandırma videosu, şəhidlərimizin öz otaqlarında və ailələri ilə aparılan müsahibə videoları nümayiş olunub. Institutun birinci kurs tələbəsi İsmiyeva Nuranə şəhidlərin əziz xatirəsi üçün yazdığı şeirini səsləndirib.
Allah bütün şəhidlərimizə rəhmət eləsin!